Aktualitet Ndahet nga jeta Pjetër Rodiqi, bashkëshorti i Vaçe Zelës

Ndahet nga jeta Pjetër Rodiqi, bashkëshorti i Vaçe Zelës

Është ndarë nga jeta bashkëshorti i këngëtares së madhe shqiptare, Vaçe Zela.

Pjetër Rodiqi është larguar nga jeta sot në orët e paradites në Tiranë. Lajmin e kanë bërë të ditur vajza e tyre Irma Rodiqi.

Njoftimi i plotë

Një yll më shumë iu shtua qiellit, për të ndriçuar edhe më fort pranë mamit.

Me pikëllim të thellë, sot kam barrën e rëndë t’ju njoftoj për largimin nga kjo jetë të babait tim të shtrenjtë, Pjetër Rodiqi.

Zoti e dinte dashurinë e tij të pafund për atdheun e dashur, prandaj edhe ia mundësoi ta kalojë këtë sëmundje të rëndë në Shqipërinë e tij të shtrenjtë, që nuk ia zëvendësuan dot kurrë as bukuritë e Vjenës, ku pat lindur, e as të Bazelit, ku për hir të dashurisë e përkushtimit ndaj familjes kaloi 21 vite të jetës së tij.

Unë e quaj veten vajzën më me fat në botë, që pata e do të kem gjithmonë në zemrën e në shpirtin tim një baba fisnik e me virtyte të rralla si ai.

Me dashuri e mirënjohje të pafund për gjithçka që babai im i shtrenjtë përfaqëson për mua e për këdo që ka pasur fatin ta njohë.

Irma Rodiqi