Kirk Douglas, një nga yjet më të mëdha të Hollywoodit të shekullit të kaluar, ka ndërruar jetë në moshën 103 vjeçare.
Lajmin e vdekjes së aktorit e shpërndau djali i tij Michael, edhe ai një nga aktorët më të njohur amerikan.
I lindur në Nju Jork nga prindër me origjinë bjelloruse, Douglas gjatë karrierës së tij ka interpretuar qindra role, edhe pse publiku e ka lidhur figurën e tij me atë të “Spartakut”, filmit kolosal të vitit 1960, ose në rolin e Vincent Van Gogh në filmin “Lust for Life”, si dhe në filma western si “Gunfight at O.K. Corral”.
