Raportuesja për Kosovën në Parlamentin Europian, Tanja Fajon, ka reaguar ashpër ndaj vendimit të Francës për të bllokuar çeljen e negociatave për Shqipërinë dhe Maqedoninë e Veriut.
Tanja Fajon nëpërmjet një postimi në Twitter ka zbuluar se Shqipëria dhe Maqedonia e Veriut nuk e morën dritën jeshile për negociatat dhe kjo, shton ajo, prej qëndrimit të Francës.
“Maqedonia e Veriut dhe Shqipëria nuk morën dritën e tyre të gjelbër për të hapur bisedime me BE dje. Besueshmëria e Unionit është shkatërruar. Franca po luan një lojë të ndyrë politike dhe kam frikë se të gjithë do ta paguajmë çmimin. Kjo është e papranueshme!”, shkruan Fajon.
Eurodeputetja sllovene ka qenë raportuese për Shqipërinë në Parlamentin Europian si dhe ka udhëhequr procesin e liberalizimit të vizave me vendet e BE, arritja më e madhe politike në rrugën e proceseve integruese, pas anëtarësimit në NATO në vitin 2009.
North Macedonia🇲🇰 and Albania🇦🇱 did not receive their green light to open talks with #EU yesterday, @Europarl_EN remains strong ally. Union’s credibility has been shattered. #France is playing a dirty political game and I fear we will all pay the price. This is unacceptable! 2/2
— Tanja Fajon, mag. (@tfajon) October 18, 2019
