Sport Nga paraja në para, Giovinco lë Kanadanë për Arabinë Saudite!

Nga paraja në para, Giovinco lë Kanadanë për Arabinë Saudite!

Toronto njoftoi sot se sulmuesi Sebastian Giovinco është shitur te skuadra e Al-Hilal, që militon në Ligën Profesionale të Arabisë Saudite.

“Unë do të doja të falënderoja tifozët dhe shokët e mi për katër vite të veçanta që kam luajtur tek Toronto“, tha Sebastian Giovinco. “Dua gjithashtu të falënderoj klubin që më ka ndihmuar të kaloj në fazën e ardhshme të karrierës sime”.

32-vjeçari ka qenë gjithmonë ndër lojtarët më të paguar në MLS dhe Kanada, fillimisht mbante rekord me pagë 6 milionë dollarë në sezon, ndërsa sezonin e kaluar ishte Bastian Schweisteiger me 100 mijë dollarë më tepër se ai.

Ndërsa nuk janë zbuluar ende shifrat e shitjes dhe paga e tij me skuadrën arabe.

Në katër sezonet me Toronton, Giovinco bëri 142 paraqitje duke shënuar 83 gola e dha 64 asist në të gjitha garat. Ndër të tjera sulmuesi ka fituar edhe një sërë trofesh personal në MLS dhe në Kanada.

Në vitin 2015, sezoni i tij i parë me Toronton, Giovinco fitoi çmimin “Landon Donovan MLS MVP” së bashku me “MLS Golden Boot” dhe “MLS Newcomer of the Year”. Ai u u votua tri herë në formacionin më të mirë të vitit (2015, 2016, 2017), dhe ishte në ndeshjen MLS All-Star katër herë (2015, 2016, 2017, 2018).

Përveç kësaj, Giovinco ishte fituesi i trofeve “George Grove Memorial”, fituesi i “Topit të Artë” i Concacaf Champions League në vitin 2018 dhe ishte pjesë e formacionit më të mirë në Concacaf dhe Concacaf Champions League.

Giovinco largohet si golashënuesi kryesor i Torontos në të gjitha garat me 83 gola dhe një numër rekordesh në klub dhe ligë.