Kosova Njihuni me Philip S. Kosnett, ambasador i ri i SHBA-ve në Kosovë

Njihuni me Philip S. Kosnett, ambasador i ri i SHBA-ve në Kosovë

32
0
Shpërndaje

Diplomati Philip S. Kosnett nga Virxhinia, pritet të jetë pasardhës i Greig Delawies si ambasador i Shteteve të Bashkuara të Amerikës në Republikën e Kosovës. Kështu citon “Zëri i Amerikës” Shtëpinë e Bardhë.

Kosnett aktualisht është i ngarkuar me punë i përkohshëm në Ambasadën e SHBA-ve në Ankara.

Gjatë karrierës së tij në Shërbimin e Jashtëm, ai ka punuar në tetë misione të SHBA-ve në Evropë, Azi dhe Lindjen e Mesme si dhe në pozita të larta drejtuese në Departamentin e Shtetit.

Pjesa më e madhe e karrierës së Kosnett ka qenë e fokusuar në bashkëpunimin ndërkombëtar të sigurisë dhe pajtimin politik.

Ai ka shërbyer si zëvendës zhef misioni në Uzbekistan dhe në Islandë; si dhe në pozita politike, politiko-ushtarake dhe ekonomike-tregtare në Afganistan, Irak, Kosovë, Hollandë dhe Japoni.

Në Uashington ai ka punuar në zyrat e Departamentit të Shtetit për Evropën, kundër-terrorizmit, politiko-ushtarake, të Inteligjencës dhe Kërkimeve, etj.

Kosnett është diplomuar në në Universitetin e Harvardit. Ai është nderuar me 10 çmime të Departamentit të Shtetit, ka marrë Medaljen e Zyrës së Sekretarit të Mbrojtjes për Shërbim Civil të Jashtëzakonshëm dhe Medaljen Departamentit të Këmbësorisë për Shërbim Civil të Shkëlqyer.

Kosnett flet turqisht, rusisht, holandisht dhe japonisht.

Komento

Shkruani komentin tuaj
Ju lutem fusni Emër-in