Në seancën parlamentare të së enjtes së që lamë pas, parlamentit ju rikthye “dueli i titanëve” Berisha-Rama teksa ish-kryeministri dhe pasardhësi i tij në detyrë nuk kursyen ofendimet dhe sharjet në përplasjen mes tyre.
Por ajo ç’ka u kthye në kryefjalën e mjedisit politiko-mediatik pas kësaj përplasje ishte çështja e refuzimit ose jo të vizës amerikanes për Sali Berishën, e cila doli në pah pas pyetjes “A e kalon dot oqeanin Sali”, që Rama bëri në drejtim të ish-kryeministrit.
Edhe pse DASH e konfirmoi se Berisha nuk është në “listën e zezë” të tyre përsa i përket vizave të anuluara, Rama nuk i është ndarë çështjes në fjalë dhe e ka “thumbuar” sërish ish-kreun e ekzekutivit, por këtë herë në distancë.
Nga Berati, ku inspektoi një sipërmarrje të grumbullimit të bimëve medicinave në fshatin Dushnik, Rama s’kurseu batutat me pronarin e këtij biznesi. Kryeministri e pyeti atë nëse kishte dalë jashtë shtetit dhe a kishte probleme me vizën amerikane, pasi biznesmeni i eksporton produktet e tij në vende të ndryshme të botës.
BATUTAT:
Rama: Si je bos?
Sipërmarrësi: Mirë jeni?
Rama: Mos ke ndonjë precedent kriminal se na nxjerrin fotografi bashkë, dënime nuk ke pasur në të kaluarën?
Sipërmarrësi: Jo, jo nuk kam pasur. Kam 25 vite, kam qenë edhe në panaire, edhe në Amerikë kam qenë gjithmonë edhe…
Rama: Ti me vizat amerikane nuk ke probleme?
Sipërmarrësi: Nuk kam!
