Sport Pas 5 sezonesh te Reali, Toni Kroos kërkon largimin

Pas 5 sezonesh te Reali, Toni Kroos kërkon largimin

Pas plot 5 sezonesh me fanellën e Realit të Madridit, mesfushori gjerman Toni Kroos duket se e ka ndarë mendjen për t’u larguar në kërkim të një tjetër eksperience.

Mediat spanjolle raportojnë se mesfushori 29-vjeçar ka kërkuar largimin, pasi duket i bindur se e ka mbyllur ciklin e tij te madrilenët, ndonëse ka një kontratë deri në vitin 2022.

Edhe presidenti Florentino Perez, me trajnerin Zinedine Zidane, nuk kanë ndërmend të bëjnë rezistencë, pasi në skuadër pritet të vijë njëri mes Pogba dhe Eriksen, ndaj largimi i Kroos nuk do të linte shumë boshllëqe.

Megjithatë për kartonin e gjermanit, Perez kërkon 60 milionë euro, pretendime të cilat mund t’i ulë deri në 50, pasi ka nevojë për para, që të plotësojë dëshirat e merkatos së trajnerit Zidane.

Toni Kroos u transferua nga Bayerni i Mynihut te Reali i Madridit, në verën e vitit 2014 dhe gjatë 5 sezoneve me fanellën e Realit, ka fituar 3 herë Ligën e Kampionëve, si dhe shumë trofe të tjerë.