Bota Pika kontrolli dhe drone, si policia britanike kap të pabindurit

Pika kontrolli dhe drone, si policia britanike kap të pabindurit

Policia e Britanisë së Madhe ka shtuar kontrollet në përpjekje për të ndaluar britanikët që të dalin rrugëve të qyteteve, ndërsa pandemia e koronavirusit vazhdon që të përhapet.

Policia ka vendosur pika kontrolli në pika të caktuara e gjithashtu të ngrejë dronet në ajër për të ndjekur të gjithë personat të cilët shëtisin me qentë dhe që nuk i respektojnë rregullat.

Policia ka marrë kompetenca të reja e do të vendosë tani nëse një person ka dalë sepse e ka të nevojshme, apo për qejf. Ata që thyejnë karantinën do të arrestohen.

Njerëzit tani do të largohen nga shtëpia vetëm për të blerë ushqime, ilaçe, të kryejnë ushtrime fizike ose të punojnë nëse është e nevojshme.

Megjithatë, të shumtë janë ata që i thyejnë rregullat.

Qeveria beson se shumica e njerëzve do t’i binden urdhrin për të qëndruar në shtëpi.

Mediat angleze kanë nxjerr fotografi ku shumë persona duken në parqe për të shëtitur, duke bërë barbekju apo festa në banesa.

Nga një sondazh i kryer, 7% e britanikëve ende dalin jashtë të takojnë miqtë, kurse 8% shkojnë për pazar për të blerë gjëra jo të domosdoshme.