Sport Pirlo e nis me fitore, shkëlqen dyshja Ronaldo-Kulusevski

Pirlo e nis me fitore, shkëlqen dyshja Ronaldo-Kulusevski

Juventusi bën detyrën dhe e nis në mënyrën më të mirë sezonin 2020-2021. Bardhezinjtë triumfuan në ndeshjen e javës së parë ndaj Sampdorias me rezultatin 3-0 në Allianz Stadium. Një fitore e merituar e kampionëve të Italisë e para për Pirlon si trajner por edhe e para për të në stolin e Juves.

Blerja e re Kulusevski zhbllokoi shifrat pas vetëm 13 minutash lojë me një gol alla Dybala nga një pozicion i prirët në hyrje të zonës që nuk i dha asnjë shans reagimi Auderos. Me kalimin e minutave ritmi i lojës së Juves ra disi me Sampdorian që u përpoq të barazonte. Në minutën e 77-të Juventusi vulosi fitoren me golin e Leonardo Bonuccit që përfitoi nga një top i mbetur në zonë dhe nga pasiguria e mbrojtësve të Sampit, ndërkohë që në fund kishte vend edhe për golin e parë sezonal të Cristiano Ronaldos që në minutën e 88-të i shërbyer nga Ramsey mposhti për herë të tretë Auderon, ndërsa goditi edhe një traversë në pjesën e parë.