Në kohën kur e gjithë bota është ndalur për shkak të emergjencës së koronavirusit, mbreti i Tajlandës po kalon disa ditë pushimi në një hotel luksoz në Bavari, bashkë me 20 konkubina.
Hoteli i mbyllur për publikun, u hap vetëm për të akomoduar mbretin Maha Vajiralongkorn, i njohur gjithashtu si Rama X.
Për një fakt të tillë, raportoi revista Bild online, e cila denoncoi se të njëjtat rregulla, të njëjtat masa kufizuese nuk zbatohen kur bëhet fjalë për sundimtarin e Tajlandës, ndërsa nga ana tjetër, të gjithë gjermanët, si dhe shumë qytetarë të tjerë europianë dhe jo vetëm, u kërkohet të vetizolohen gjatë kësaj periudhe ku virusi po shkakton vdekjen e mijëra njerëzve në të gjithë botën.
Hoteli luksoz në fjalë, “Sonnenbichl” ndodhet në Garmisch Patenkirchen, një vendpushim bavarez skish dhe ka qenë si shumica e bizneseve në Gjermani, objekt i mbylljes nga qeveria në kontekstin e masave për të luftuar koronavirusin.
Mirëpo, drejtuesit e hotelit, kanë vendosur për t’i garantuar qëndrimin mbretit 67-vjeçar, pasi të ftuarit e tij i përkasin një grupi homogjen, mes të cilëve nuk ka përzierje.
119 punonjës u rikthyen në Bangkok, por 20 konkubinat e tij u lejuan të qëndronin në hotel për kënaqësi të mbretit.
