Presidenti amerikan Joe Biden është vaksinuar me dozën e tretë të Pfizer, përpara mediave, në Shtëpinë e Bardhë.
“E di që nuk dukem, por i kam kaluar me kohë 65 vjeç. Për këtë arsye, po marr dozën e tretë”, tha Biden përpara se të vaksinohej.
Më pas, Presidenti amerikan kritikoi 23% të amerikanëve që nuk duan të vaksinohen.
“Ajo pakica po na shkakton shumë dëme. Kjo është pandemia e të pavaksinuarve”, theksoi Biden.
FDA-ja autorizoi dozën e tretë për të gjithë ata amerikanë që ishin vaksinuar më parë me dy doza Pfizer dhe që janë mbi 65 vjeç dhe për ata që kanë rrezik të lartë infektimi.
