Kryeministri Edi Rama akuzon opozitën se është pa program dhe me protestën e ditës së shtunë nuk i bëri asgjë qeverisë.
Por sipas tij, nga kjo protestë u dëmtua Shqipëria pasi dhuna përpara Kryeministrisë u pasqyrua nga të gjitha mediat botërore.
Në një postim në rrjetet sociale, Rama shkruan se ajo që ndodhi më 16 Shkurt do të përdoret nga eurodeputetët që nuk duan hapjen e negociatave të Shqipërisë me Bashkimin Europian.
“Çfarë trishtimi pasqyra e shëmtisë së djeshme nëpër mediat e dynjasë! Politika qorre e një opozite pa vizion, pa program, pa lidership, nuk i bëri asgjë dot qeverisë po goditi Shqipërinë në sytë e botës dhe u dha material të tërë atyre që duan sebepe kundër negociatave me BE“, shkruan Kryeministri Edi Rama.
