Kryeministri Edi Rama kërkon falje për deklaratat e bëra nga Bulqiza në lidhje me reportazhin e emisionit “Le Iene”, që tregonin se si fëmijët e Bulqizës mblidhnin krom për të ndihmuar familjet.
Ndonëse e quajti reportazh të ndryrë dhe me pamje të vjetra, i ftuar sot në “Studio e Hapur në News 24 ai tha se nuk e kishte parë reportazhin kur bëri këto deklarata dhe e kishte ngatërruar me një rast tjetër.
“Unë nuk e kam parë vetë, unë e mora si informacion. Ç’ka kam thënë është se rastet janë sporadike. Mu kujtua historia e një reportazhi tjetër që është bërë për kanabisin kur gazetarët paguanin njerëz që të gjuanin ne kallashnikov, unë pa e parë fola me një paragjykim, kam bërë gabim për sa i përket reportazhit në fjalë e kam bërë pa dashje, kam gabuar”,- tha ai.
