Shtohen pikëpyetjet rreth së ardhmes së Cristiano Ronaldos te Juventusi. Spekulimet shtohen, jo thjesht prej sezonit zhgënjyes të bardhezinjve, por edhe për një detaj i cili nuk mund të anashkalohet.
Sipas asaj që shihet në video, është dokumentuar që gjatë natës të së dielës me të hënën, ylli i futbollit ka zhvendosur shtatë makinat e tij luksoze me kamionë. Kompania portugeze, e cila ka transportuar automjetet me vlerë miliona euro, ka seli në Lisbonë dhe është mjaft e njohur në fushën e transporteve.
#CR7 trasloca le 7 supercar dal suo garage di Torino via Roclo Cargo, azienda trasporti di Lisbona 🏎️👀
Vuol dire tutto? Vuol dire niente? 🤔
(Video @persemprecalcio) pic.twitter.com/qX9moM93mr— Giacomo Scutiero (@SCUtweet) May 17, 2021
Vendimi i Cristiano Ronaldos për të larguar makinat e tij nga Torino duket se është vetëm konfirmimi i lamtumirës së Juventusit. Tre vjet më parë, marrëveshja me bardhezinjtë u konfirmua pikërisht me transportimin e automjeteve luksoze në qytet. Sulmuesi largohet, pasi nuk arriti ta udhëhiqte skuadrën drejt triumfit në Champions League.
