Atletja polake Maria Andrejczyk, fituese e medaljes së argjendtë në Olimpiadën e Tokios në hedhjen e shtizës, shiti në ankand medaljen e saj për të financuar një operacion zemre për një foshnje 8-muajshe.
Një rrjet supermarketesh në Poloni fitoi ankandin me ofertën prej 125 000 eurosh, duke bërë të mundur që i vogli të kryejë operacionin që do t’i shpëtojë jetën.
Më pas, ky rrjet njoftoi se do t’ia kthente sërish medaljen sportistes polake.
