Real Madrid do të ndeshet kundër Machester City-t në fazën e 1/8-ave të Champions League, pas shortit të hedhur këtë të hënë. Një sfidë e veçantë për Pep Guardiola-n që kthehet në Spanjë për t’u përballur me rivalët e tij nga koha kur drejtonte Barcelona-n. Kjo e fundit gjen Napoli-n që pas shkarkimit të Ancelotti-t do të drejtohet nga Gennaro Gattuso.
Kampionët e Liverpool do të kenë një detyrë të vështirë kundër Atletico Madrid, ndërsa Tomas Tuchel do të kthehet në Dortmund me Paris SG. Juventus ka një sfidë të lehtë në letër kundër Lyon, ndërsa Bayern Munchen-Chelsea do të jetë një tjetër sfidë e luftuar për një vend në çerekfinale.
Ndeshjet e vajtjes do të zhvillohen në datat 18-19, 25-26 shkurt, ndërsa të kthimit në datat 10-11 dhe 17-18 mars.
