Ish-Kryebashkiakja e Gjirokastrës, Zamira Rami u shpall fajtore këtë të enjte nga Gjykata e Posaçme për shpërdorim detyre dhe u dënua me 1 vit burg, dënim që i konvertohet në shërbim prove.
Ish-kryebashkiakja e zgjedhur në 2015 nën logon e LSI akuzohej nga Prokuroria e Posaçme se kishte shembur dy banesat në pronësi të dy personave, por më pas nuk i kishte dëmshpërblyer.
Sipas SPAK, vlera e dëmit që iu shkaktua dy pronarëve ishte 5 milionë e 600 mijë Lekë.
