Vendimi i Presidentit Donald Trump për “ngrirjen” e ndihmave amerikane për vendet e tjera, ka shkaktuar një sërë reagimesh. Pa llogaritur vendet e tjera në botë, organizatat joqeveritare (OJQ-të) në vendin tonë kanë marrë nga USAID plot 189 milion dollarë për vetëm 4 vite.
Shifrat i ka publikuar në rrjetin e tij social “X”, I Dërguari i SHBA-së me Mision të Posaçëm Richard Grenell. Ai shkruan se “amerikanët punëtorë kanë paguar taksa, që politikanët në Uashington t’i shpenzonin pa fre”.
Në listën e Ballkanit Perëndimor publikuar prej tij, Kosova mban vendin e parë me 537 milion $ të grumbulluara.
Shpenzimet e USAID për vendet e Ballkanit Perëndimor, periudha (2020-2024)
Kosova: 537 milion dollarë
Bosnje-Hercegovina: 402 milion dollarë
Maqedonia e Veriut: 290 milion dollarë
Serbia: 209 milion dollarë
Shqipëria: 189 milion dollarë
Mali i Zi: 77 milion dollarë
Administrata e Trump e ka akuzuar USAID-in për shpërdorime të rënda fondesh. Nisur nga kjo, është marrë vendimi për pezullimin e aktivitetit të kësaj agjencie.
USAID u krijua në vitin 1961 si një agjenci e pavarur qeveritare për të ndihmuar demokracitë në zhvillim dhe vendet e varfra, ndërsa rrjeti i saj është shtrirë në mbi 100 shtete.
🚨🚨🚨🚨🚨
Hard working Americans pay taxes – politicians in Washington, DC spend that money recklessly.
Billion$ given to left wing NGOs to push radical policies in other countries.
Here’s a snippet from just USAid… https://t.co/CMEAuvVqFw
— Richard Grenell (@RichardGrenell) February 4, 2025
