Aktualitet Sizmologu grek për Metën: E përgënjeshtrova nga halli, jo të gjitha i...

Sizmologu grek për Metën: E përgënjeshtrova nga halli, jo të gjitha i thuhen publikut

Paralajmërimi i sizmologut grek: Kujdes tërmetet e tjera, dëmet e një më të vogli mund të jenë shkatërrues

Gazetari i Top Channel Aleksandër Marku ka realizuar një intervistë me sizmologun grek, Akis Tselentis, i cili u citua më herët dhe nga presidenti Ilir Meta për pasoja të tilla të mundshme.

Tselentis thotë për Top Channel se duhet pasur kujdes dhe se situata e tanishme nuk ishte një surprizë për të

Si një prej sizmologëve më me eksperiencë në Greqi si e gjykoni veprimtarinë sizmike të djeshme në Shqipëri?

Nuk më krijoi përshtypje pasi në këtë zonë është përqendruar një sasi e madhe energjie prandaj dikur do të jepte një tërmet të fuqishëm. Për fat të mirë ndodhi në zonën detare dhe jo pranë Tiranës dhe kështu shpëtuam. Gjithsesi Shqipëria ka një dinamizëm të fuqishëm sizmik dhe duhet patjetër të marrë disa masa për të zvogëluar rreziqet në këto raste. Ka teknika të tilla. Siç e dini unë jam edhe në Institutin Gjeodinamik dhe në Observatorin Kombëtar dhe do të doja në një moment të shkoja në Tirane dhe të mbaja një leksion. Të flas për mundësinë e zvogëlimit të rrezikut në rastet e tërmeteve të fuqishme.

Ju si e vlerësoni situatën, do të ketë edhe tërmete të tjera?

Jo nuk do të kemi. Besoj se ishte tërmeti kryesor. Por do të kemi lëkundje të tjera.

Mund të influencojë ky termet për të “zgjuar” tërmete të tjera në rajon?

E konsideroj të vështirë këtë fakt. Por do të ketë vazhdimisht lëkundje për disa kohë. Dhe mundet që një prej këtyre lëkundjeve të jetë edhe me efekte shkatërruese, pasi nëse një shtëpi ose banesë është dëmtuar paksa edhe me një lëkundje me të lehtë mund të shembet. Do kujdes të veçantë në orët e ardhshme.

Emri juaj u implikua edhe tek deklaratat e presidentit shqiptar para disa javësh…

Dhe u përpoqa sepse pata frikë, u përpoqa atëherë t’i ndryshoj pak të thënat, pasi këto gjëra nuk thuhen, e dini shumë mirë që nuk thuhet në publik …. Vlerësimet për tërmetet që mund të ndodhin nuk bëhen publike sepse mund të shkaktosh panik dhe të shkaktosh një dem akoma më të madh.

Ju e keni përgënjeshtruar këtë gjë apo jo?

Po, e përgënjeshtrova për arsye që kuptohen. Sepse nuk dua që të thuhen tek populli i thjeshtë këto gjëra. Këto bëhen të ditura vetëm tek shërbimet shtetërore.