Ofertë ruse për Elseid Hysajn. Sipas asaj që zbulon gazetari i Sky Gianluca Di Marzio, Spartaku i Moskës ka bërë një oferte konkretë te Napoli për shërbimet e mbrojtësit kuqezi.
Sipas asaj që bën të ditur Di Marzio, për 26-vjeçarin ka një ofertë prej 7 milion eurosh për Napolin, aspak e lartë, por duke marrë parasysh faktin që futbollistit i përfundon kontrata verën e ardhshme, do të ishte më mirë sesa futbollisti të largohej falas.
Ndërkohë që vetë futbollistit i ofrohet dhe një kontratë 5-vjeçare, me një pagë prej 3 milion eurosh në sezon, që është jo pak joshëse dhe që mund ta bindë ndoshta Hysajn për t’u transferuar në Premier League të Rusisë.
Në startin e Serisë A, ku Napoli kryeson për shkak të golavarazhit, Hysaj ka qenë i padiskutueshëm në formacionin e Gattusos dhe madje në suksesin e fundit ndaj Genoas 6-0 dhuroi dhe një asist. Tashmë fjala i mbetet Napolit, por dhe vetë futbollistit, nëse dëshiron të pranojnë ofertën e ardhur nga Rusia.
