Sport “Të flasim pak dhe të bëjmë shumë nesër në fushë”, Guardiola: Ndiej...

“Të flasim pak dhe të bëjmë shumë nesër në fushë”, Guardiola: Ndiej fluturat në stomak

Në konferencën e shtypit përpara finales, trajneri i Manchester City, Pep Guardiola u shfaq shumë i emocionuar dhe optimist për sfidën e fundit të sezonit.

“Ndiej fluturat në stomak që pak orë përpara ndeshjes nisin të lëvizin më shpejt. Duhet të bëjmë atë që dimë të bëjmë dhe te mundim Interin. Qetësia më buron nga fakti që jam i përqendruar për të mundur kundërshtarët në fushën e lojës. Të dyja skuadrat janë të lodhura pas një sezoni të gjatë, por tani duhet të flasim pak dhe të bëjmë shumë nesër në fushë. Nuk ka asgjë tjetër rëndësi përveç sjelljes tonë në fushën e lojës gjatë 95 minutave”, e nisi Guardiola.

Është fiksim apo ëndërr të fitoni Ligën e Kampioneve?

“Është një ëndërr. Është gjithmonë një ëndërr për të fituar trofe. Fjala fiksim është gjithashtu një fjalë pozitive, por padyshim që është një ëndërr për ne.”

Çfarë dueli do të jetë? Të gjithë ju shohin si favoritë…

“Nuk mund të kontrolloj se çfarë thonë apo mendojnë njerëzit. Gjithçka do të varet nga ne dhe nga Interi. Skuadra më e fortë do të jetë fituesi, nëse ata ngrenë kupën, Interi do të jetë më i madh se City. Ka rëndësi vetëm loja”.

Sa e rëndësishme do të jetë atmosfera?

“Shpresoj të jetë një natë fantastike, është kompeticioni më i bukur në botë. Ne jemi këtu, të gatshëm për të mbështetur UEFA-n në këtë kompeticion, për të ndihmuar tifozët të argëtohen.”

Cilët do të jenë çelësat e ndeshjes?

“Janë shumë. Interi është një skuadër që është mësuar jo vetëm për t’u mbrojtur. Ekziston besimi se skuadrat italiane dinë vetëm të mbrohen, por Interi mund të bëjë shumë gjëra të tjera. Açerbi, Darmian, Bastoni dhe Onana janë shumë efektivë për të rifilluar skuadrën. Dhe të gjithë sulmuesit, nga Lautaro te Correa, dinë të jenë të rrezikshëm. Interi ka aftësinë të mbajë topin dhe të përfundojë, ata dinë të sulmojnë nga qendra dhe nga krahët. Ne do të përpiqemi të mbrojmë sa më mirë që të jetë e mundur, të dyja të larta sa të ulëta”.

Haaland ka pasur pak shanse në rastet e fundit…

“Unë nuk jam këtu për të diskutuar aftësinë e tij për të kthyer rastet në gola. Nesër ai do të jetë gati të na ndihmojë të fitojmë Champions.”

Cilat janë gjërat e rëndësishme për të pasur sukses. Mësimi që u jep të rinjve?

“Të kesh lojtarë të shkëlqyer. Të kesh Messin më parë dhe Haaland tani. A po qesh? Nuk po bëj shaka.”

Dy vite më parë ju humbët finalen nga Çelsi. Çfarë do të ndryshojë nesër?

“Do të doja t’ju tregoja shumë gjëra. Se ne kemi marrë mësimin tonë, por nuk di çfarë të them, janë ekipe të ndryshme, lojtarë të ndryshëm, vite të ndryshme. Ne nuk arritëm të fitonim kundër Çelsit. Ne kemi një plan për nesër, kemi një ide, por më pas duhet të shohim se çfarë do të prodhojë fusha. Jemi gati dhe do të përpiqemi”.

Në planin taktik, sa ndryshon përballja me një ekip që luan me dy sulmues?

“Kjo ndryshon shumë, ashtu si luan me katër ose pesë në mbrojtje. Ne do të duhet t’i menaxhojmë mirë tranzicionet.”

Çfarë mendoni për Lautaron?

“Mënyra se si ai ka luajtur në javët e fundit, çfarë mund të them? Ai është një kampion bote, një lojtar i veçantë, di të mbajë topin dhe të jetë i rrezikshëm në zonë. Ne po flasim për sulmuesin e një skuadre që do të luajë në finalen e Championsit”.