Extra Të gjithë e kanë momentin e tyre të famës: Çfarë i ndodhi...

Të gjithë e kanë momentin e tyre të famës: Çfarë i ndodhi një tifozeje simpatike të Juves

Francesca Taje, 21-vjeçarja që mori famë pas shfaqjes për pak sekonda nga regjia në ndeshjen Juventus-Milan

Në 1968-ën, Andy Warhol deklaronte se në të ardhmen, çdo njeri do të ketë 15 minutat e tij të famës. Ai kishte të drejtë se çdo person do të kishte mundësinë për të gëzuar famën e tij, por nuk kishte llogaritur rrjetet sociale për të parashikuar kohëzgjatjen e saktë të kësaj fame.

Francesca Tajè, një tifoze e Juventusit është rasti më i mirë për të rrëzuar pjesën e dytë të parashikimit të Andy Warhol.

21-vjeçarja u gjend në kohën e duhur dhe momentin e duhur për të tërhequr vëmendjen e regjisë së “Sky” gjatë transmetimit të ndeshjes Juventus-Milan. Kamerat e fiksuan për pak sekonda, por ato mjaftuan që ajo të shndërrohej në “hitin” e radhës në rrjetet sociale.

Taje ishte e panjohur, ajo numëronte rreth 4 mijë ndjekës në Instagram para këtij episodi të ndodhur në ndeshjen Juve-Milan, ndërsa tani numëron rreth 90 mijë ndjekës dhe shifra e bashkë me të edhe fama e vajzës simpatike vazhdon të rritet me shpejtësi edhe pas një jave.