Bota Tension mes Rusisë dhe SHBA, akuza për sulm bërthamor amerikan të improvizuar

Tension mes Rusisë dhe SHBA, akuza për sulm bërthamor amerikan të improvizuar

Ministri rus i mbrojtjes akuzoi sërish SHBA se këtë muaj dërgoi dy avionë bombardues nga dy drejtime të ndryshme për të improvizuar një sulm bërthamor ndaj Rusisë.

Akuzat vijnë në një kohë kur tensioni midis Uashingtonit dhe Moskës për Ukrainën ka arritur në nivelet më të larta, me zyrtarët amerikanë që shprehin shqetësime për një sulm të mundshëm rus ndaj fqinjit të saj jugor.

Moska, nga ana e saj, ka akuzuar Shtetet e Bashkuara, NATO-n dhe Ukrainën për sjellje provokuese dhe të papërgjegjshme, duke vënë në dukje furnizimet me armë të SHBA-së për Ukrainën.

Ministri rus i Mbrojtjes Sergei Shoigu tha se Moska kishte vërejtur një rritje të konsiderueshme në aktivitetin e bombarduesve amerikanë, të cilët sipas tij kishin kryer 30 fluturime afër Rusisë këtë muaj.

Shoigu nënvizoi se gjatë stërvitjeve ushtarake amerikane ‘Global Thunder’, 10 bombardues strategjikë amerikanë provuan lëshimin e armëve bërthamore kundër Rusisë nga drejtimet perëndimore dhe lindore. “Afërsia minimale me kufirin rus ishte 20 km”, u shpreh ai.