Mbledhja e Këshillit bashkiak në Durrës është zhvilluar me debate. Kryebashkiakja Valbona Sako, në mbledhje tha se kishte rezerva për kryetarin e qarkut Durrës pasi sipas saj nuk ishte angazhuar sa duhet në rastin e tërmetit.
“Keqardhje që këtu bën sikur qan hallet e njerëzve”,tha ajo.
Kryetarja Sako pasi u miratuan 9 pikat e rendit të ditës, kërkoi të fuste në rend dite edhe kërkesën për një fond shtesë për rikonstrukturimin e
godinës se bashkisë, gjë që sipas saj është e nevojshme pasi ka patur dëmtime nga tërmeti.
Por këtu ka reaguar menjëherë kryetari i këshillit bashkiak duke refuzuar kërkesën e duke deklaruar të mbyllur takimin.
