Barcelona më në fund fitoi në transfertë, gjë që nuk e bënte që nga 23 prilli.
Skuadra katalanase mposhti 2-0 Getafen në një ndeshje ku mungonin Messi dhe Ansu Fati, por ku shkëlqeu portieri Ter Stegen, i cili jo vetëm shmangu golat, por dha edhe pasimin për golin e parë të shënuar nga Luis Suarez.
Barcelona shënoi golin e dytë me anë të Junior Firpo, por në minutën e 82-të Lenglet u ndëshkua me karton të kuq, duke bërë që ekipi i Valverdes të vuante në minutat e mbetura të ndeshjes.
