Një shpërthim eksplozivi është regjistruar mbrëmjen e kësaj të marte, rreth orës 20:40 në rrugën “Belul Hatibi” në kryeqytet, në zonën e Kinostudios.
Sipas informacioneve paraprake, sasia e lëndës plasëse, ndonëse e vogël, ka shkaktuar vetëm dëme materiale në pjesën e pasme të mjetit.
Automjeti, i cili figuron në pronësi të shtetasit D.H., ka qenë i parkuar.
Në vendngjarje kanë shkuar forca policie dhe një grup hetimor, që po përpiqen të zbulojnë detaje mbi ngjarjen dhe të sigurojnë prova që do të çonin në identifikimin dhe kapjen e autorit.
