Kryesore Trump jep emrat e dy medikamenteve që mund të ndryshojnë historinë e...

Trump jep emrat e dy medikamenteve që mund të ndryshojnë historinë e koronavirusit

Presidenti i Shteteve të Bashkuara Donald Trump ka dhënë një lajm të mirë përsa i përket kërkimeve që po bëhen për të krijuar vaksinat apo ilaçet që mund të trajtojnë koronavirusin.

Përmes një statusi në Twitter, kreu i Shtëpisë së Bardhë përmend emrat e dy ilaçeve që tashmë janë në qarkullim, kombinimi i të cilave ka rezultuar efektiv në trajtimin e pacientëve të prekur nga koronavirusi.

“Hidroksiklorokinë dhe azitromicinë, këto janë emrat e dy medikamenteve, të cilat të marra së bashku kanë një mundësi shumë të madhe të jenë ato që do të ndryshojnë rrjedhën e historisë së ilaçeve. FDA (Administrata për Ushqimin dhe Ilaçet) lëvizi malet. Faleminderit! Shpresoj që të dyja këto medikamente të përdoren urgjentisht. Njerëzit po vdesin, lëvizni sa më shpejt. Zoti ju bekoftë”, shkruan presidenti amerikan në Twitter.

Hidroksiklorokinë është një medikament që njihet ndryshe dhe me emrin Plaquenil. Ai është përdorur për parandalimin dhe trajtimin e disa llojeve të malarias. Përdorimet e tjera kanë qenë për artritin reumatizmal, lupus dhe “porphyria cutanea tarda”.

Ndërsa Azitromicina është një antibiotik i përdorur për trajtimin e disa infeksioneve bakteriale. Këtu përfshihen infeksionet e veshit të mesëm, infeksionin e fytit, pneumonia, diarre dhe disa infeksione të stomakut.