Aktualitet U shkarkua nga detyra/ Bashkëshorti i zv/ministres së Brendshme falje publike

U shkarkua nga detyra/ Bashkëshorti i zv/ministres së Brendshme falje publike

Pak orë pas shkarkimit nga detyra e drejtorit të Shërbimit Parësor Spitalor, pranë Fondit të Sigurimit të Detyrueshëm të Kujdesit Shëndetësor, Aurel Voda përmes një postimi në Facebook kërkon falje publike.

Bashkëshorti i zv/ministres së Brendshme, Rovena Voda u shkarkua sot me firmën e ministres së Shëndetësisë pas komenteve të postuara në Facebook ku kërcënonte dhe ofendonte median, por dhe disa eksponentë të PS-së.

“JU KERKOJ FALJE PUBLIKE të gjithë qytetarëve, që me të drejtë janë prekur nga fjalët e mia jashtë etikës qytetare. Me këtë rast dua ti sqaroj se kam në FSDKSH që nga tetori i 2013 dhe sot mbusha plot 6 vjet. Kam qenë mbrojtësi më i mirë i parave të taksapaguesve shqiptar. Me gjithë tallazet që ka kaluar ky institucion unë nuk jam penalizuar asnjëherë as nga Auditi i Brendshëm, as nga KLSH.

Kam në pronësi 1/4 e një pallati 80 m2 në Durrës, por jam i lumtur se kam një familje të shkëlqyer prej 7 anëtarësh, dy prindit, tre fëmijët dhe unë e bashkëshortja.

Iu kërkoj falje edhe atyre.

Gjithsesi treni nuk mund të ndalojë për asnjë person, kushdoqoftë ai”.