Një gjeneral në Spanjë dha dorëheqjen të shtunën, pas akuzave të ngritur në media se ai kishte marrë vaksinën kundër koronavirusit përpara grupeve prioritare, duke shkaktuar zemërimin e publikut.
Ministrja e Mbrojtjes, Margarita Robles i kishte kërkuar gjeneral Miguel Ángel Villarroya, shefi i shtabit të mbrojtjes, shpjegime pas lajmeve se ai kishte marrë vaksinën jashtë radhe.
Më pas në një deklaratë për shtyp, Ministria e Mbrojtjes nënvizoi se gjenerali nuk kishte asnjëherë si synim të përfitonte nga pozicioni i lartë, duke dëmtuar në këtë mënyrë imazhin e Forcave të Armatosura.
