Kërkoi të bënte një akrobaci të guximshme duke u hedhur nga një shkëmb i lartë 30 metra për një zhytje në det përpara gruas dhe dy fëmijëve, por fatkeqësisht u përplas dhunshëm në shkëmbinj. Kështu vdiq në mënyrë tragjike Mourad Lamrabatte, ish-futbollist profesionist.
Tragjedia ka ndodhur në Majorka të Spanjës.
Ish-futbollist i Vitesse nuk e llogariti mirë hedhjen dhe përpara se të binte në ujë, u përplas me disa shkëmbinj.
Gjithçka është xhiruar nga bashkëshortja e tij, e cila dëgjohet në video duke ulëritur “O Zot i madh”, në momentin që marokeni përplaset me shkëmbin.
Autoritetet thonë se Lamrabatte ndërroi jetë jo nga përplasje e fortë, por nga mbytja në ujë pas saj, duke qenë se kishte humbur ndjenjat.
