Presidenti ukrainas Volodymyr Zelensky, ka kryesuar sondazhin e vitit 2022 në revistën ‘TIME’.
Në sondazhin e bërë pyetja është parashtruar se kush duhet të jetë në listën e revistës për njerëzit më me ndikim të vitit, raporton BBC.
Gjithsej 3.3 milionë vota u hodhën nga publiku, ku Zelensky u përzgjodh si figura kryesore publike e vitit 2022.
Më herët presidenti Zelensky është shprehur për revistën se shumë njerëz në mbarë globin e kanë njohur më shumë për shkak të luftës.
“Ti je një simbol. Ju duhet të veproni ashtu siç duhet të veprojë kreu i shtetit”, këto janë disa nga mesazhet kryesore që ka marrë së fundmi Zelenski, që prej fillimit të luftës në Ukrainë.
Elon Musk, pronari i ri i Twitter dhe CEO i Tesla dhe SpaceX, doli në vendin e dytë me 3.5% të votave dhe kryeministri i Mbretërisë së Bashkuar Boris Johnson pasoi afër vendin e tretë me 3.4% të votave të publikut.
