Ekonomi Zhbllokohet procesi për kreun e ri të KLSH, komisioni miraton Arben Shehun

Zhbllokohet procesi për kreun e ri të KLSH, komisioni miraton Arben Shehun

Komisioni i Ekonomisë ka miratuar të martën kandidaturën e Arben Shehut për drejtues të Kontrollit të Lartë të Shtetit.

Miratimi i kandidaturës së Shehut zhbllokon procesin për emërimin e kryetarit të ri të KLSH-së, institucion i cili që prej 2 vitesh nuk ka kryetar.

Arben Shehu është propozimi i katërt që presidenti Meta ka bërë për kreun e KLSH-së. Të tre kandidaturat e tjera janë hedhur poshtë nga komisioni.

Ndërsa Shehu mori 15 vota pro, 1 abstenim dhe dy kundër.

Shehu është pedagog në Fakultetin e Drejtësisë dhe është i specializuar në Krimin e Organizuar dhe Krimin Ekonomik.

KLSH ka prej dhjetorit të 2018-ës që nuk ka kryetar, kur i mbaroi mandati Bujar Leskajt.