Ajaksi këtë sezon është nga ato skuadra, që po mahnisin me futbollin, të cilin luajnë dhe me rezultatet e deri tanishme.
Skuadra holandeze skualifikoi Realin, me një fitore madhëstore në “Santiago Bernabeu”, me rezultatin 1-4 dhe kaloi në çerekfinale të Ligës së Kampionëve, ku do të ndeshet me Juventusin.
Por nuk është vetëm kaq, Ajaksi ditën e shtunë ka shënuar golin e 100-të në kampionat pas vetëm 29 ndeshjesh. Kur duhen dhe 5 javë nga përfundimin i kampionatit, skuadra e Amsterdamit ka arritur një gjë jo të lehtë. Mesatarja e shënimit në një ndeshje është 3.4 gola, shifra të cilat dhe Barcelona i ka zili.
Gjithashtu, kjo skuadër historike ka rihapur kampionatin, pasi gjendej shumë pikë pas dhe tashmë është në vendin e parë me 71 pikë, një më shumë se PSV-ja me një ndeshje më pak.
Holandezët janë një grup, i cili do t’i vendosë shumë vështirësi Juventusit në dy ndeshjet, që do të luhen brenda një jave.
