Gjykata e Rrethit Gjyqësor Tiranë ka ndryshuar masën e sigurisë nga “Arrest me burg” në “Arrest shtëpie”, për shtetasin kinez, Liangbin Chen.
Chen nuk duhet të largohet nga banesa e tij dhe gjykata ka urdhëruar prokurorinë që të bëhet ruajtja e tij 24 orë nga punonjësit e policisë.
Vendimi për të shumëkërkuarin e Kinës për t’i ndryshuar masën e sigurisë është bërë për shkak se mbrojtja ka paraqitur një ekspertizë mjekoligjore ku thuhet se Chen është i sëmurë dhe nuk mund të qëndrojë në qeli.
Liangbin Chen u arrestua në muajin korrik në aeroportin e Rinasit. Ai është në kërkim nga autoritetet kineze për mashtrim me pasoja të rënda.
Vlera e mashtrimit për të cilën kërkohet nga autoritetet kineze shkon në 140 milionë euro.
