Këto shenja të zodiakut janë shumë lunatike, mund të ndryshojnë gjendje shpirtërore në një fraksion sekonde. Në fakt, nëse provojnë disa lloje të gjendjeve shpirtërore në një ditë, është sepse i përjetojnë emocionet me një intensitet të lartë dhe kjo i bën të vuajnë.
Gaforrja
Pyesni kë të doni se kush është shenja më lunatike e zodiakut dhe do t’ju thotë: Gaforrja. Ata që lindin nën këtë shenjë të zodiakut ndiejnë gjithçka thellësisht. Një Gaforre me një gjendje të mirë shpirtërore transmeton dashuri dhe afeksion tek të gjithë personat që ka përzemër. Një Gaforre me humor të keq zemërohet dhe përpiqet të mos lëndojë e të mos influencojë askënd me negativitetin e vet. Gjëja më e mirë është që një Gaforre i menaxhon mirë ndryshimet e humorit.
Peshqit
Personat e lindur nën shenjën e Peshqve janë shumë të ndjeshëm dhe mund ta ndryshojnë gjendjen e tyre shpirtërore në fraksion sekondash. S’ka rëndësi se sa i madh apo i vogël është problemi, ata arrijnë ta kthejnë gjendjen në katastrofë. Shpesh futen shumë në brendësi të gjërave dhe urrejnë të ndihen të pafuqishëm përballë situatave të caktuara. Peshqit janë në gjendje të bëjnë shumë gjëra në momentet e tyre të ndryshimit të humorit dhe i përdorin ato si frymëzim për përpjekjet e tyre krijuese.
Akrepi
Të lindurit nën shenjën zodiakale të Akrepit ndiejnë gjithçka me një intensitet ekstrem, nuk mund të fshehin gjendjen e keqe të tyre sepse mjafton t’i shihni në fytyrë për të kuptuar si ndihen. Akrepët duan që ndryshimet e tyre të gjendjes shpirtërore t’i shtyjnë në aksion, pavarësisht nëse bëhet fjalë për hakmarrje për dikë që i dëmton apo ndihmë për ata që janë në telashe.
