Pesë pacientë të tjerë kanë gjetur vdekjen këtë të martë në Greqi si pasojë e Covid 19.
Ministria e Shëndetësisë konfirmoi se totali i viktimave në këtë vend ka shkuar tashmë në 121.
Mosha mesatare e të vdekurve është 74 vjet, ndërsa 91% e tyre kishin një sëmundje themelore.
Lajme të këqija vijnë nga të prekurit e rinj. Në 24 orët e fundit janë shënuar 156 pacientë pozitiv që e çon shifrën e përgjithshme të të prekurve nga koronavirusi në Greqi në 2401.
Shumica dërrmuese (150) nga të prekurit e rinj i përkasin strukturës akomoduese të emigrantëve në Kranidi. Qyteti për këtë arsye është vendosur i gjithi në karantinë për 14 ditët e ardhshme.
