Ambasadorja e SHBA-së Yuri Kim shpjegoi se përse vendi i saj do të kujdeset që të ketë transparencë në investimet e fondeve të marra nga Konferenca e Donatorëve.
Kim thotë se transparenca dhe përgjegjësia për fondet dhe donacionet për procesin e rindërtimit të zonave të prekura nga tërmeti i 26 nëntorit janë thelbësore.
“Transparenca dhe përgjegjësia janë thelbësore. Kjo është arsyeja përse donacionet amerikane do të krijojnë një Akademi të re të Transparencës për të mbështetur qeverisjen transparente, qeverisjen e përgjegjshme ndaj qytetarëve, trajnimet kundër korrupsionit dhe reformën gjyqësore”, shpjegoi ambasadorja amerikane në “Twitter”.
Transparency & accountability are essential. That’s why US donation will establish a new US-Albanian Transparency Academy to support transparent governance, citizen-responsive governance, anti-corruption training & judicial reform. @USAID @arbenahmetajal @ediramaal @GjonajEtilda https://t.co/FmXobNBLIf
— Ambassador Yuri Kim (@USAmbAlbania) February 20, 2020
