Më 6 maj do të ketë një “vendim të qartë” mbi sportin, deklaroi kancelarja gjermane Angela Merkel gjatë një konference për shtyp në Berlin.
Një vendim për Bundesligën pritet gjithashtu për atë datë, kampionati i të cilit mund të rifillojë vetëm pas dyerve të mbyllura, pasi u konfirmua ndalimi i ngjarjeve të mëdha dhe tubimeve të mëdha të njerëzve deri më 31 gusht.
Ndërkohë në Francë ekipi i futbollit Paris Saint-Germain, u kurorëzua kampion pas ndërprerjes para kohe të kampionatit L1 nga Liga Profesionale e Futbollit (LFP), dhe ia kushtoi titullin e tij të gjithë personelit të kujdesit shëndetësor dhe heronjve të tjerë të përditshëm në vijën e parë kundër koronavirusit.
