Aktori i njohur i humorit, Florjan Binaj, ka bërë me dije me anë të një postimi në Instagram se është prekur nga Covid-19.
“Jam aq pozitiv si tip, saqë dola pozitiv edhe me Covid-19. Të dashur ndjekës, fansa, miq dhe mikesha, pas një testimi rutinë, fati donte që unë të qëlloja i prekur nga virusi Covid-19. U vetizolova që para testimit dhe do qëndroj në izolim si gjithë të tjerët deri në përfundim të karantinës”, shkruan aktori në rrjetin social.
Binaj shton se nuk ka simptoma: “Fatmirësisht, nuk kam asnjë simptomë dhe asnjë shqetësim dhe gëzoj shëndet të plotë. Mendova t’jua them vetë të vërtetën sesa ta lexoni nga portalet që për ndonjë klikim janë të gatshëm të shkruajnë çdo gjë”.
