Protagonisti i filmit “Black Panther”, Chadwick Boseman, ka ndërruar jetë në moshën 43-vjeçare. Aktori i famshëm vuante prej 4 vitesh nga kanceri në zorrën e trashë.
“Me hidhërim të thellë konfirmojmë vdekjen e Chadwick Boseman. Chadwick u diagnostikua me kancer në zorrën e trashë në vitin 2016 dhe ka luftuar gjatë këtyre 4 viteve me sëmundjen. Një luftëtar i vërtetë, që duroi shumë dhe solli për ju filmat që i doni aq shumë. Filma si “Marshall”, “Da 5 Bloods” and “Ma Rainey’s Black Bottom” janë xhiruar ndërkohë që bënte operacione dhe kimioterapi”, lexohet në komunikatën e familjes së aktorit.
Boseman ishte i martuar, por nuk kishte fëmijë. Ai nuk ka folur kurrë publikisht për sëmundjen e tij.
43-vjeçari u bë i famshëm me rolin e Mbretit T’Challa në filmin “Pantera e Zezë”, në vitin 2018. Këtë rol e interpretoi edhe në 3 filma të tjerë: “Captain America: Civil War”, “Avengers: Infinity War” dhe “Avengers: Endgame”.
