Kandidati demokrat presidencial Joe Biden ka kritikuar përsëri kundërshtarin republikan dhe presidentin aktual të SHBA Donald Trump për minimizimin e ashpërsisë së koronavirusit, duke e nxitur atë të dërgojë një mesazh në lidhje me rëndësinë e mbajtjes së maskave.
“Unë do të shpresoja që presidenti, pasi të kalonte nëpër ato që kaloi – dhe unë jam i lumtur që ai duket se po mbahet mjaft mirë – do të përcjellë mesazhin e duhur për amerikanët: Maskat kanë rëndësi!”, tha Biden për NBC News në Miami, Florida.
Por pak pasi u largua nga spitali ushtarak “Walter Reed” pranë Uashingtonit, ku ai kaloi gati katër ditë për shkak të infeksionit COVID-19 dhe kthimit me helikopter në Shtëpinë e Bardhë, Trump postoi një video në Twitter në të cilën ai përsëriste mesazhet për qytetarët që të mos i tremben koronavirusit dhe mos lejojnë që ai të drejtojë jetën e tyre.
Trump u largua nga spitali me një maskë, por e hoqi atë ndërsa po pozonte për fotografët dhe kameramanët në hyrjen e Shtëpisë së Bardhë. Ai nuk e mbajti maskën as në videon e publikuar.
Deklarata e Biden për NBC erdhi pasi ai kaloi ditën duke bërë fushatë në Florida, e cila konsiderohet si një shtet kryesor federal për të fituar zgjedhjet presidenciale të 3 nëntorit, me shumicën e analistëve politikë duke theksuar se Trump ka pak perspektivë për t’u rizgjedhur. të presidentit amerikan nëse nuk merr fitoren në këtë shtet.
