Për 27 vjet rresht, anglezi Jerry Quy i ka “vjedhur” një buzëqeshje tifozëve të Arsenalit në stadiumin e Highbury, dhe më pas në modernen Emirates Stadium.
Por pandemia ndryshoi gjithçka, sepse tashmë stadiumi i Arsenalit është i boshatisur nga tifozët e zjarrtë, pothuajse të gjithë të abonuar, që mbushin tribunat, dhe roli i tij ka dalë jashtë funksionit.
Kjo sepse Jerry Quy është njeriu që i jep jetë maskotës së ekipit , dinozaurit Gunnersaurus, emër i marrë nga nofka “Gunners” (Topçinjtë) që karakterizon ekipin londinez të krijuar në 1886.
Zgjatja e masave kundër COVID-19 e ka lënë atë pa punë, por vendimi i drejtuesve të Arsenalit ka gjetur kundërshtimin e shumë tifozëve, ku disa prej tyre nuk kujtojnë një ndeshje pa maskotën.
I was so sad that Jerry Quy aka our famous & loyal mascot @Gunnersaurus and integral part of our club was being made redundant after 27 years. As such, I’m offering to reimburse @Arsenal with the full salary of our big green guy as long as I will be an Arsenal player… pic.twitter.com/IfWN38x62z
— Mesut Özil (@MesutOzil1088) October 6, 2020
Por fati i Gunnersaurit mund të ndryshojë falë zemërgjerësisë së yllit gjerman Mesut Ozil. Gjermani me origjinë turke ka deklaruar në Twitter se ai do t’i sigurojë Jerrit rrogën e tij për sa kohë të jetë lojtar i Arsenalit.
Një gjest i duartrokitur nga shumë, por që mund të përfaqësojë edhe një “thumbim” indirekt ndaj politikave të ekipit, që e ka lënë pothuajse mënjanë, nga momenti që mesfushori me tipare sulmuese nuk ka luajtur ende në Premier League.
Dreams do come true. Welcome, @Gunnersaurus! ⚪️🔴 #AnnounceGunnersaurus #DeadlineDay https://t.co/2xlJ0WWRnA pic.twitter.com/yxFDMr4yry
— Sevilla FC (@SevillaFC_ENG) October 5, 2020
Por nuk është fundja e thënë që Gunnersauri të qendroi tek Arsenali. Disa ekipe kanë ofruar në rrjetet sociale ta marrin , si të ishte pjesë e merkatos së futbollistëve. Më konkretja dhe e drejtpërdrejta ka qenë Sevilla, në Spanjë. Një Sevillasaurus mund t’i përshtatej thjeshtësisht klimës së ngrohtë mesdhetare.
