Cristiano Ronaldo shfaqi gjithë irritimin e tij për pamundësinë për të qenë në fushë përballë Lionel Messit, mbrëmjen e sotme, në përplasjen Juventus–Barcelona. CR7 ka postuar në rrjetet sociale një mesazh, ku shkruan: “Jam në formë të shkëlqyer dhe plot shëndet, Forza Juve! Tamponi është budallallëk.”
Rezultati i tamponit, që u mësua të martën në mbrëmje, sërish pozitiv, nuk i bën të mundur portugezit të jetë në fushë ndoshta as në fundjavë ndaj Spezias.
CR7 kundërshton specifikisht funksionimin e tamponit, që nuk i dha rezultatin që priste para sfidës me Barcelonën, edhe pse nuk ka asnjë simptomë.
