Kryesore “Zoti i drogës” dhe lirimi i Tafilit, ministrja Gjonaj kërkon shkarkimin e...

“Zoti i drogës” dhe lirimi i Tafilit, ministrja Gjonaj kërkon shkarkimin e dy gjyqtarëve

Ministrja e Drejtësisë, Etilda Gjonaj, ka depozituar në KLD dy kërkesa, përmes të cilave kërkon shkarkimin nga detyra të gjyqtarit Petraq Curri të Gjykatës së Rrethit Gjyqësor Durrës si dhe fillimin e hetimit disiplinor ndaj gjyqtares Enkeleida Hoxha të Gjykatës së Rrethit Gjyqësor Krujë.

Gjatë hetimit disiplinor ka rezultuar se gjyqtari Petraq Curri ka kryer shkelje të rënda profesionale që diskreditojnë rëndë pozitën dhe figurën e gjyqtarit në dhënien e vendimit për mosmiratimin e arrestit të shtetasit Alket Hatija dhe lirimin e tij.

Ky i fundit është cilësuar nga mediat italiane edhe si “Zoti i drogës”.

Gjithashtu nga informacioni i administruar nga Ministria e Drejtësisë rezultoi se Gjyqtarja Enkeleida Hoxha ka vendosur lirimin me kusht të të dënuarit Genc Tafili në kundërshtim me dispozitën ndaluese të ligjit.