Donald Trump është pranë një disfate që vetëm orët e ndajnë nga zyrtarizimi. Presidenti aktual i Amerikës ka akuzuar gjithë këto ditë se votat që po numërohen në disa shtete kyç janë të paligjshme. Madje ai ka bërë thirrje që të ndalohet numërimi. Diçka absurde e kanë konsideruar demokratët e kritika ka pasur edhe nga ndërkombëtarët.
Megjithatë është një foto që ka marrë vëmendjen e të gjitha mediave dhe rrjeteve sociale. Teksa Trump mbante një fjalim të enjten, fotografi i Associated Press, Evan Vuçi, shkrepi një foto të presidentit, i cili shfaqej pranë një tabele “Dalje”.
Ironike kjo pamje, e cila sapo u publikua u bë virale. Ishin të shumtë ata që e shpërndanë këtë fotografi duke e përshkruar si përmbledhja perfekte e situatës së Trump.
Donald Trump është shumë pranë humbjes. Së fundmi, ai ra nga kryesimi i Georgia-s, një prej shteteve kyç.
