Në ditën e Krishtlindjes italianët gëzojnë dhe mbërritjen e dozave të para të vaksinës anti Covid. Mediat italiane bëjnë me dije se mesditën e së premte në vendin fqinj kanë mbërritur 9,750 dozat e para të vaksinës anti- Covid të Pfizer-BioNTech.
Dozat e para të vaksinës anti Covid janë drejtuar direkt për në spitalin Spallanzani të Romës.
Operacioni për të transportuar vaksinat Pfizer–BioNTech nga fabrika në Belgjikë për në vendet e Bashkimit Europian po kryhet nën mbikëqyrjen e lartë të policisë dhe shërbimeve sekrete. Kamionë frigoriferikë po largohen nga fabrika dhe po nisen nën shoqërimin e policisë drejt vendeve anëtare.
Nën temperaturën -70 gradë vaksinat mund të rezistojnë deri në 35 ditë.
Procesi i vaksinimit të popullatës do të nisë nga 27 Dhjetori, që është edhe dita e përcaktuar në të gjitha vendet e Bashkimit Europian. Një fushatë vaksinimi më e gjerë do të nisë në fund të Janarit.
