Si e përfytyroni një shef të mirë? Shumë e imagjinojnë kështu: nuk është i pari për të kritikuar, lavdëron, nuk bërtet, kërkon harmoni dhe preferon të ketë mirëkuptim.
Ky lloj drejtuesi sigurisht që ekziston, por është zbuluar se shumica kanë një gjë të përbashkët: gatishmërinë për të pasur përplasje interesi në kompaninë e tyre për hir të ndryshimit dhe përparimit.
Një nga shembujt është bashkëthemeluesi i “Microsoft”, Bill Gates: Përveç risive të tij novatore, miliarderi është më i njohur sot si një filantrop i mirë, i dhembshur dhe shumë i komunikueshëm. Por dekada më parë, Gates-i shumë më i ri kishte një reputacion si “ofenduesi” i zyrës.
Sipas James Wallace dhe Jim Erickson, autorë të biografisë së Gates në 1993, “Hard Drive: Bill Gates dhe krijimi i Perandorisë së Microsoft”, Gates ishte i njohur për dërgimin e e-maileve “kritike dhe me sarkazëm” drejt punonjësve të tij, në mes të natës.
Më shumë se një herë një programues mori një email në 2:00 që niste kështu: “Ky është kodimi më idiot i shkruar ndonjëherë“. Ish-punonjësit e Microsoft e përshkruan zyrën si një ambient shumë konfrontues, me praninë e Gates që ishte “kërkues” dhe puna “intensive”.
Një anekdotë tjetër vjen nga Joel Spolsky, themeluesi i “Stack Exchange” dhe një ish-menaxher programi i caktuar në linjën e produkteve Excel të Microsoft. Në një postim në blog të vitit 2006, Spolsky shkroi për marrëdhënien e tij personale me Gates. Përveç disa menaxherëve të tjerë, ishte edhe një person “e gjithë puna e të cilit gjatë takimit ishte të numëronte saktësisht sa herë Bill thoshte fjalën me ‘F’ (ofendim në anglisht) “.
“Sa më pak të thuhej fjala f ***, aq më mirë”, kujton Spolsky. Ndërsa takimi përparonte, pyetjet që Gates i drejtoi atij “u bënë më të vështira dhe më të hollësishme”.
Çfarë e bënte Gates një lider të mirë
Sigurisht, këto anekdota për temperamentin famëkeq të Gates tregojnë vetëm njërën anë të historisë. Gates dinte më mirë se çdo sipërmarrës tjetër se si të frymëzonte dhe motivonte stafin e tij për të arritur një qëllim të përbashkët, ndërsa gjithashtu u jepte atyre mundësinë për t’u zhvilluar në mënyrë krijuese.
Mbi të gjitha, siç mësoi më vonë Spolsky nga kolegët e tij: “Bill nuk dëshiron vërtet të rishikonte karakteristikat tuaja, ai thjesht dëshiron të sigurohej që i keni marrë ato nën kontroll. Standardi i tij ishte të bënte pyetje gjithnjë e më të vështira derisa të pranoje se nuk e dije, dhe atëherë ai mund të të bërtiste që ishe i papërgatitur”.
Në fakt, punonjësit e Gates ishin të përgatitur të sfidoheshin dhe të ishin në gjendje të sfidonin Gates. “Shumë njerëz nuk u pëlqejnë punët e tyre sepse nuk marrin ndonjë feedback“, thotë një ish-punonjëses i Gates, Scott MacGregor.
Kjo kurrë nuk ishte problem tek Microsoft. “Gjithmonë e dinit se çfarë mendonte Billi për atë që po bënit. Qëllimi, forca motivuese për shumë programues, ishte që Bill ta pëlqente produktin e tyre”.
Për më tepër, Gates nuk kishte frikë të ndryshonte mendim nëse dikush bënte një argument bindës. Ishte një cilësi që Steve Wood, një nga programuesit e parë të Microsoft, e admiroi.
“Ai mund të ketë një vokal të lartë dhe bindës në argumentimin e njërës anë të një çështjeje, dhe një ose dy ditë më vonë do të pranonte se kishte gabuar. Nuk ka shumë njerëz që kanë shtysën, forcën dhe cilësinë sipërmarrëse për të qenë kaq të suksesshëm, dhe që gjithashtu të kenë aftësinë të lënë mënjanë egon e tyre. Ky është një tipar i rrallë”.
Bill Gates që njohim tani
Miliarderi që atëherë ka mësuar se ka kufij se sa presion mund të ushtrojnë menaxherët tek punonjësit e tyre.
“Duke u rritur, nëse do të mendoja se prindërit e mi ishin të padrejtë, mund të isha shumë i ashpër me ta. Kur isha në Microsoft, isha i ashpër me njerëzit me të cilët kam punuar. Disa prej tyre na ndihmuan të jemi të suksesshëm, por jam i sigurt se disa prej tyre ishin vërtetë shumë të zotët”, pranoi Gates në letrën e vitit 2019 që publikoi me gruan e tij, Melinda.
Fryma e përfshirjes së ideve të reja dhe atmosfera frymëzuese në Microsoft tërhoqi shumë të rinj inteligjentë dhe ambiciozë në kompani. “Stili i përballjes së çështjeve nga ana e Gates e ndihmoi Microsoft të ruajë avantazhin e tij – qëndrueshmërinë e tij mendore. Kjo i bëri ata që punuan për të t’i mendonin gjërat më thellë.
Transformimi i lidershipit të Gates na kujton se ata që janë udhëheqës respektohen vetëm nëse kanë një historik në konfrontimin e gjërave për hir të nevojës që të bëhet gjëja e duhur.
Kjo nuk do të thotë gjithmonë të zemërohesh dhe të jesh i ashpër, por do të thotë të japësh përparësi zbatimit të qëllimeve dhe parashikimeve që ke vendosur. Nëse mund të bëhet në një mënyrë të qetë atëherë është më mirë për ju. Por çdo menaxher i shkëlqyeshëm e di, siç bëri Gates, se do të ketë raste kur ata duhet të shprehin kritikat.
Burimi CNBC
