Për 3 euro mund të blini një pije marijuane. E aprovuar nga Mbretëresha Elizabetë dhe nga ligji anglez është bërë një trend në Mbretërinë e Bashkuar.
Një pije që përmban ekstrakte marijuane është bërë një nga artikujt më të shitur në Queen’s Windsor Farm Shop në Berkshire, një dyqan në pronësi të Mbretëreshës Elizabeth që shet produkte nga pronat mbretërore dhe furnizues të tjerë.
Pija e kanabisit e aprovuar nga mbretëresha është realizuar nga një kompani e quajtur Trip, e cila nisi në vitin 2019 dhe shpejt u bë një markë referimi në Mbretërinë e Bashkuar.
Me bazë nga kanabidioli dhe nga marijuana (CBD), pija vjen në katër aroma të ndryshme dhe thuhet se është bërë shumë e njohur në Windsor Farm Shop.
CBD, e cila është e ligjshme në Mbretërinë e Bashkuar, është përbërësi i dytë aktiv i kanabisit, prapa tetrahidrokanabinolit (THC). Kush e përdor atë relaksohet, aq sa po zhvillohet kërkimi mbi efektet e tij të mundshme anti-ankth.
Pija e kanabisit shitet në kanaçe prej 250 ml secila me një kosto prej 2.19 paund (më pak se 3 euro).
Një person i brendshëm tha se: “Pijet janë mjaft ekstravagante dhe të pazakonta për një dyqan si Farm Shop, pasi drejtohet nga Mbretëresha”.
“Dyqani filloi të furnizohej disa muaj më parë dhe pijet u bënë shumë shpejt të njohura. Kanaçet me aromë pjeshke dhe xhenxhefil po mbarojnë shpejt. Njerëzit madje blejnë shtatë ose tetë në të njëjtën“.
Sipas një burimi, Queen’s Windsor Farm Shop kishte shitur të dy aromat që në fillim të kësaj jave.
CBD është tendenca e fundit në Mbretërinë e Bashkuar për shëndetin, ushqimin dhe bukurinë. Raftet e supermarketeve mbushen me kafe, krem hidratues kombucha dhe xhel lehtësues i dhimbjeve, të gjitha me CBD. Është gjithashtu në dispozicion në produkte të tilla si xhin, humus dhe akullore.
