Presidenti Joe Biden doli me një fjalim para kombit të enjten në përvjetorin e parë të pandemisë dhe tha se ishte duke punuar për të shpejtuar vaksinimet kundër Covid-19 dhe për të rikthyer sa më shpejt normalitetin në vend deri më 4 Korrik për Ditën e Pavarësisë.
Në adresimin e tij të parë në “prime time” si president, Biden tha se do të urdhërojë shtetet, që ta bëjnë vaksinimin të detyrueshëm për çdo të rritur amerikan, duke nisur nga 1 maji. Ndërsa masat aktuale në fuqi kanë prioritet në procesin e vaksinimit, qytetarët sipas moshës, por edhe sipas kushteve shëndetësore.
Për herë të parë Biden foli se kur njerëzit mund të mblidhen bashkë: “Në qoftë se ne e bëjmë këtë së bashku, deri më 4 korrik, ka një shans që ju, familjet tuaja dhe miqtë të mblidheni bashkë e të festoni ditën e pavarësisë”, tha Biden, duke shtuar se ajo datë do të jetë edhe dita e pavarësisë nga Covid-19. Si pjesë e fushatës së vaksinimit, parashikohet edhe rritja e numrit të qendrave të votimit, mes të cilave edhe dentistët, të cilët do të mund të ndihmojnë në këtë proces.
Duke iu referuar bilancit të zymtë të pandemisë, Biden tha se: “Fotografitë dhe videot e 2019-s të japin përshtypjen e një epoke tjetër. Pushimet e fundit. Ditëlindja e fundit me miqtë. Festa e fundit me familjen.”
“Ishte ndryshe për të gjithë, të gjithë ne humbëm diçka”, tha ai, duke theksuar se virusi mori “mohime për ditë, pastaj javë, pastaj muaj, që çuan në më shumë vdekje, më shumë infeksione, më shumë stres, më shumë vetmi.”
Por ndërsa stimuli financiar nga projekt-ligji i sapo miratuar i ndihmës do të shtojë numrin e të vaksinuarve, Biden bëri thirrje për optimizëm të kujdesshëm, pasi si pjesa tjetër e botës, edhe SHBA-ja është e lodhur nga kufizimet dhe humbjet ekonomike.
Presidenti i nxiti amerikanët që të vazhdojnë përpjekjet për të zbutur efektet e pandemisë, duke mbajtur maska, duke respektuar distancimin fizik dhe higjienën, për të ndaluar përhapjen e virusit ndërsa ritmi i vaksinimeve rritet. Thirrja e tij vjen ndërsa një numër shtetesh kanë lehtësuar kufizimet.
Biden nënshkroi edhe lgjin e Planit Amerikan të Shpëtimit, i projektuar për të qenë një urë financiare për amerikanët e goditur rëndë dhe një nxitje për ekonominë. Në krah të tij në Zyrën Ovale ishte edhe zëvendëspresidentja Kamala Harris.
Paketa është një fitore e madhe politike për Presidentin demokrat në më pak se dy muaj që kur administrata e tij erdhi në pushtet.
Paketa siguron një ndihmë prej 1,400 dollarë për shumicën e amerikanëve, ndërsa 350 miliardë dollarë shkon për shtetet dhe qeveritë lokale. Projekt-ligji kaloi pa një votë të vetme nga republikanët, të cilët u ankuan për faturën e lartë.
