Gjykata e Tiranës ka liruar dy kontrollorët e Albcontrol, Armando Fezga dhe Muhin Mezini që mbaheshin në arrest shtëpie duke caktuar masën e sigurisë “detyrim paraqitje”.
Ata u ndaluan me akuzën e shpërdorimit të detyrës pasi bojkotuan punën, situatë e cila solli dhe pezullimin e fluturimeve në Rinas.
Më parë gjykata e Tiranës caktoi ndaj kontrollorëve Armando Fezga dhe Muhin Mezinin masën “arrest me burg”, ndërsa Flora Ndreca u la në “arrest shtëpie”. Më 27 prill, kontrollorët dolën përpara togave të zeza të apelit të kryeqytetit ku dhe kërkuan masë më të butë sigurie.
